Астанада ЖРВИ мен тұмау жұқтыру дерегі көбейіп, медициналық ұйымдар мен жедел жәрдем күшейтілген режимге көшті, деп хабарлайды Astana TV.
Қазіргі статистика:
• Стационарда: 313 науқас емделуде (220-сы – бала, 30-ы – жүкті әйел).
• Емхана бақылауында: 4 559 адам бар, оның 3 132-сі амбулаториялық ем алуда.
• Вакцинация: Бүгінге дейін 143 619 тұрғын (оның ішінде 29 592 бала) тұмауға қарсы екпе алды.
Емханалардың жұмыс тәртібі:
Вирус белгілері бар науқастарды бөлек қабылдайтын сүзгі кабинеттері жұмыс күндері 08:00–20:00, демалыс және мереке күндері 08:00–18:00 аралығында ашық.
Мамандар қолды жиі жууды, бөлмені желдетуді және ауру белгілері байқалса, өз бетінше емделмей дәрігерге қаралуды ескертеді.