Беларусь Еуропа үшін Еуразиялық экономикалық одаққа ашылған қақпа. Халыққа және Парламентке жолдауы кезінде ел Президенті Александр Лукашенко осылай деді. Бұл туралы Рейтерс хбарлайды. Осы орайда Белорусь Еуропалық одақпен қарым-қатынасты нығайтып, жаңа белеске шығу қадамдарына бармақ. Лукашенко Еуропадағы шиеленіске қарамастан интеграция идеясы өзекті екенін айтты. Оған қоса, Украинаның оңтүстік-шығысындағы ахуалға байланысты Ресей, Еуропалық одақ және Қытай үшін Беларусь аумағының маңыздылығы арта түсті деп санайды. «Елде тыныштық болғаны керек», - деген Лукашенко осы мақсатта Еуроодақпен қарқынды диалог жүріп жатқанын жеткізді.
Александр Лукашенко, Беларусь Президенті:
Күрделі саяси қарым-қатынасқа қарамастан Еуроодақ Беларусь үшін, негізгі сауда- экономикалық серіктесі және несие мен инвестиция көзі болып қалады. Қайшылықтарға қарамастан біз еуропалық бизнеске қысым көрсетіп, кедергі жасаған емеспіз.
Мөлдір ДЮСЕКИНА