Биыл дағдарысқа байланысты жаңа-жылдық корпоративтік кештер өткізілмейтін шығар, дегенмен кейбір ұйымдар қызметкерлерінен ақша жинап, кешке баруды міндеттеп жатыр. Бұл, әрине, заңға қайшы болса да, қарапайым азаматтар «қысым көрермін» деп қорқып, қомақты қаржыны отбасылық бюджеттен жырып берген. Әрине, жаңа-жылдық кешті өткізбейтін, ысырапшылық пен дарақылықты доғарғандар да бар.
Екі-үш күн бұрын жинады бізден 10 мың теңгеден. Мен барғым келмеп еді, міндетті түрде бару керек деді. Бәрі береді. Сол ақшаны бермесең, бастықтар артыңа түседі ғой.
Осы күнге дейін тойлап келгенбіз. Биыл тойламаймыз. Артық шығын деп ойлаймыз.
Дағдарыс уақытында жаңа-жылдық корпоративтік кештердің мән-мағынасы бар ма, бұл жайында қоғам пікірі қандай? Арнайы материалды ертең 20.30-да «Біздің уақыт» ақпарат-сараптамалық бағдарламасынан көріңіздер.