Елімізге Ресейден тасымалданатын шикі мұнай мен сығымдалған газ көлемі 57 мың тоннаны құрады. Осылайша, 10 айдағы мұнай импорты 7 есеге кеміді. Бұл туралы Еуразиялық экономикалық комиссияның сайты хабар таратуда. Ал баға тұрғысында бұл өнімдердің тасымалдануы 12,5 есеге азайғаны байқалады.
Десе де Беларусь елінен әкелінген қара алтын көлемі 14 пайызға өскен. Яғни 1,2 мың тоннаға артық. Қазақстан да көрші елдерге қара алтын экспорттауды азайтқан. Былтырғы көрсеткішпен салыстырсақ, мұнайдың сыртқы тасымалы 31 пайызға кеміді.