АҚШ валютасының бағамы тағы да көтеріліп, тарихи антирекорд орнатты. KASE-нің күндізгі сессиясы көңіл көншітпейтін көрсеткішпен аяқталды. Бүгін бір көк қағаздың құны 357 теңге 66 тиынға тең болды. Саудаға 25 банк қатысып, сауда-саттық көлемі 87 млн 200 мың АҚШ валютасын құраған. Ақша айырбастау орындары шетел валютасын 359, кейбірі 360 теңгеден саудалап жатыр. Ал, еуроның құны 391 теңгеге жетті. Айта кетейік, таңғы сессия қорытындысы бойынша 1 америка ақшасының ресми бағамы 355 теңге 52 тиын болған еді.
Берік ХАСЕНОВ