Алматы облысында апатқа ұшыраған әскери СУ-27 ұшағының қайда құлағаны әлі белгісіз. Іздестіру әлі де жалғасып жатыр. Бұл туралы ҚР Қорғаныс министрлігінің баспасөз қызметі хабарлады.
Экипаж мүшелері - подполковник Науанов пен подполковник Горбунов та әзірге табылмады. Талдықорған гарнизоны әскери прокуратурасының хабарлауынша, ұшақты Науанов басқарған.
Қорғаныс министрлігі таратқан ақпаратқа сәйкес, Су-27 әскери ұшағы 2009-жылы Белоруссияда күрделі жөндеуден өткен. Әскери ұшақ кеше кешкі 20:42-де оқу-жаттығу кезінде апатқа ұшырады. Оның ішіндегі экипаж мүшелерінің жағдайы әзірге белгісіз. Ұшқыштарды іздестіру шараларына төрт тікұшақ пен он іздеу тобы жұмылдырылды.
Тоғжан ЖАЛҒАСБЕКҚЫЗЫ