Қытайлық абстракционист-суретші Чжао Уцзидың туындысы Гонкогта 65 миллион АҚШ долларына сатылды. Бұл жөнінде "Рейтерс" хабарлайды.
Бұл азия суретшілерінің арасында майлы бояумен салынып, рекордты ақшаға сатылған алғашқы картина. Триптих "Маусым-Қазан.1985" деп аталады. Туынды сол уақытта, яғни 1985 жылы салынған. Онда қызғылт-сары, күлгін түсті реңкпен пейзаж бейнеленген. Лоттың бастапқы бағасы 45 миллион долларға бағаланса, сауда-саттықта құны тағы өскен.