Президент Жапония мен Оңтүстік Кореяға сапарлап қайтқан. Нұрсұлтан Назарбаев біріне бірі жалғасқан сапардың ауыр болмағанын айтты. «Бұл менің жұмысым, ел үшін істеліп жатқан шаруадан, ел алдындағы жауапкершіліктен қашпаймын, тек уақыт айырмасы кішкене қиындау, ұйқы қанбайды»,-деген тілшілерге. Осы аптада күніне 3-4 сағаттан ғана көз шырымын алғанын айтқан. «Көптеген елдің құрметіне ие болдық, сондықтан шаршамаймын», -деген. Иә, Жапонияда да, Оңтүстік Кореяда да жемісті келісімдерге қол қойылып, пайдалы кездесулер өтті.
Нұрсұлтан Назарбаев, Қазақстан Республикасының Президенті:
Қазіргі кезде Қазақстанда 500 корей-қазақ бірлескен компаниялары жұмыс істейді. Көп мамандар жұмыс істейді. Ең ірі корей компанияларының басшыларымен кездестік.Олар дүниежүзінің көптеген елдерінде істейтін трансұлттық компаниялар - бізге өте қажет. Барлығы 17 компанияның басшысы сөйледі. Барлығының Қазақстанда жұмыс істейтін ынтасы зор. Біз соны пайдалануымыз керек.