Ал АҚШ-та соңғы 100 жылда болмаған ірі тасқын орын алды. Салдарынан 24 адам қаза тапқан. Reuters-тің хабарлауынша, Батыс Вирджиния штатындағы тұрғындардың көбі із-түссіз жоғалған. Билік өкілдері суға батқандар санының әлі де ұлғаюы мүмкін екенін айтады. Мыңдаған адам қауіпсіз аймақтарға көшірілген. Тұрғындарды іздеу шаралары жалғасып жатыр. Табиғи апат жүзге жуық үйді шайып кеткен. Электр қуатынан ажырағандар да мыңдап саналады.
Табиғи апаттан келген шығын мөлшері әлі есептелмеген. Алайда оның аз болмайтыны қазірден-ақ байқалуда. Айта өтейік, Батыс Вирджинияда 23 маусым күні нөсер жауын жауып, оның соңы алапат тасқынға ұласты. Қазір штатта төтенше жағдай жарияланды.