Бүкіл әлем бойынша әуе билеттері 16 процентке қымбаттауы мүмкін. Әуе сарапшылары осындай ақпарат таратты. Еуродақтан бастау алған қымбатшылық, барлық әлемдік әуекомпаниялардың билеттеріне әсер етпек. Оған Еуропалық комиссияның шығарындарды азайту жөніндегі ұсыныс негіз болған.Билет бағасының өсуі Испания, Грекия және Италия сияқты танымал бағыттарға кері әсер етпек. Сәйкесінше, туристік қызметтерге сұраныс шамамен 11 процентке төмендейді. Аймақаралық тасымалға да бұл өз салқынын тигізбек.
А. Шамшидин