2022 жылдың 1 қаңтарындағы жағдай бойынша Қазақстандағы қарттар мен мүгедектер үйінде 20 733 зейнеткер тұрады. Оның 11 868-і – ерлер, 8 865-і – әйелдер, деп хабарлайды Azattyq Ruhy.
Ұлттық статистика бюросының мәліметінше, қарттар үйінің көпшілігі Шығыс Қазақстан (2 787 орындық 17 үй), Қарағанды (2 527 орынға арналған 11 үй) және Батыс Қазақстан облыстарында (1 294 орынға арналған 11 үй) жұмыс істейді.
Одан кейінгі орында Қостанай облысы (1 723 орынға 9 үй) тұр. Ақмола (1218 орынға) және Алматы облыстарында (1 810 орынға) 8 үйден бар. Елдің басқа аймақтарында 2-ден 6-ға дейін қарттар мен мүгедектер үйі бар.