Жылыту
қазандықтарының жұмысын заң арқылы реттеу керек. Мәжілістегі «Нұр Отан»
фракциясының комиссиясы тұрғын үй коммуналдық шаруашылығы, жылу, су желілері
инфрақұрылымының жаңғыртылуын қарап, осындай шешімге келді. Ортақ
қазандықтардың құрылысына мемлекет қаржы құюға дайын.
Құрылыс, тұрғын үй
коммуналдық шаруашылығы істері комитетінің төрағасы Мархабат Жайымбетов ақша
«Нұрлы жол» бағдарламасы аясында несие ретінде берілетінін айтты. Қаражат әкімдіктерге
20 жылға 0,1 пайызбен беріледі. 2019 жылға дейін осы мақсатқа жыл сайын 100
млрд теңгеден бөлу жоспарланған. Алайда жобаға кез келген шағын қала қатыса
алмайды. Өйткені моношаһарларда қазандықтарға қызмет көрсетуді қадағалайтын
мекеме жоқ.
Мархабат
Жайымбетов, ҚР ҰЭМ құрылыс,ТҮКШ істері комитетінің төрағасы:
Бізде
29 моноқала, 41 шағын шаһар бар. Ал қуаттылығы аз қазандықтар саны ел бойынша
6500-ге жетеді. Олардың қауіпсіздік, бақылау сұрақтары күрделі. 2014 жылы
инвестициялар және даму министрлігінің өнеркәсіптік қауіпсіздік комитеті болған
кезде олар барлық сұрақты шешпеген. Қазір тиісті жұмыс атқарылып жатыр.
