2016 жылы Бразилияның Рио-де-Жанейро
қаласында өтетін Олимпиада ойындарына билеттер құны жария болды.
Ұйымдастырушылар таратқан ақпаратқа сәйкес, ең қымбат билеттер ашылу
салтанатына арналып сатылмақ. Олардың құны 2 мың доллар шамасында. Жалпы 7 млн-ға
жуық билет сату жоспарланып отыр. Сатылымға шығатын билеттердің тең жартысының
құны 31 доллардан аспайды. Спорт сүйер қауым ең арзан билетті 17 долларға сатып
ала алады.
Шетелдік БАҚ-тың хабарлауынша, бірінші
кезекте билеттерді сатып алу мүмкіндігіне Бразилия тұрғындары ие болмақ. Ағымдағы жылдың желтоқсанында билеттер әлем бойынша сатыла
бастайды.
