Toyota-дан тағы да ақау шықты. Жапондық
ірі автокөлік шығарушы компания "Toyota Мотор Корпорейшн" сатылған 20 мың автокөлікті
кері қайтарып алуда.
«Итар ТАСС»-тың хабарлауынша,
көліктерді кері қайтарып алудың себебі - көліктерде жанармайдың ағып кету
қаупінің туындағанында. Осындай ақау табылған
автомобильдердің қатарында 2014 жылғы Camry, Highlander, Sienna, Avalon
модельдері мен 2015 жылғы Lexus RX моделі бар. Ақаулы көліктер Toyota-ның
АҚШ-тағы және Канададағы зауыттарында шығарылған. Олардың басым бөлігі Оңтүстік
Корея, Ресей, Австралия, Азия елдері мен Таяу Шығыс елдеріне таратылған.
