Алматы облысындағы 21/77 әскері
бөлімінен қашқан сарбаз Серік Дәулетбайға қару ұрлаумен бірге, адам өлтірді
деген тағы бір айып тағылып отыр. Бұл туралы ІІМ-інен хабарланды.
Қазір күдікті Алматы қалалық ІІД-нде уақытша оқшаулау абақтысына қамалды. Естеріңізге салайық, ОҚО-нан әскерге
шақыртылған жас жауынгер өткен аптада әскерден қашып кетіп, көп ұзамай қолға
түсті.
Кейіннен белгілі болғандай, ол
келіcім-шартпен қызмет атқаратын қаруласымен жаға жыртысып қалған. Сосын қызметтік тапаншаны алып, ізін суытқан. Ал сарбазбен
кикілжіңге барған старшина сол күні кешкісін әскери ауруханада көз жұмған еді.
Қазір оқиғаның жай-жапсары анықталып жатыр.
Илхам ИБРАГИМ
