Ақтөбеде 5 жасар баланың жоғалуына
байланысты қылмыстық іс қозғалды. Бұл ақпаратты «ҚазТаг» Ақтөбе облысы Ішкі
істер департаментіне сілтеме жасап таратты.
Еске сала кетейік. Ақтөбеде 5 жасар
бала із-түссіз жоғалған. Қазіргі уақытта
полиция қызметкерлері мен волонтерлер оны іздестіріп жатыр. 10-шы қазан күні
таңғы 10 шамасында анасы баласын аулаға ойнауға шығарған. Бірақ, арада 15 минут
өтпей жатып, бала көзден ғайып болды.
Жоғалған баланы іздестіруге 3 мың адам
жұмылдырылды. Оның ішінде 1500 мың полиция
қызметкері, 100-ден аса ұлттық гвардия сарбазы және 800-ге жуық Талғат
Бигелдинов атындағы Әуе қорғаныс күштері әскері институтының студенттері бар.
Орман алқаптары мен өзен-көлдердің маңын барлау үшін 2 квадроцикл, ал әуеден
бақылау үшін 1 тікұшақ іздестіру жұмыстарын жүргізуде.
Самат ҚАНАҒАТОВ
