Шымкентте бүгін Парламент Сенатының депутаттарын сайлау өтті. Республикалық маңызға ие болған жаңа шаһарға сенаторлыққа қосымша тағы 2 орын берілген. Оған мегаполистен алты үміткер тіркеліпті. Оның екеуі қалалық мәслихаттың атынан бақ сынаса, өзгелері өзін-өзі ұсынғандар. Бұған дейін сайлауға 8 үміткер қатысуға ниетті екенін хабарлаған болатынбыз. Оның екеуі отбасылық жағдайына байланысты өз еркімен бас тартқан. Сайлауға 29 таңдаушының 26-сы қатысып, дауыс берді. Басым дауыспен қалалық мәслихаттың хатшысы Нұрлан Бекназаров пен Шымкенттің экс-әкімі Дархан Сатыбалды жеңіске жетті.
Марс ЕЛЕКЕЕВ, ШЫМКЕНТ ҚАЛАЛЫҚ САЙЛАУ КОМИССИЯСЫНЫҢ ТӨРАҒАСЫ:
2014 жылғы 1-қазандағы өкілеттік мерзім бойынша 21 дауыспен Сатыбалды Дархан Амангелдіұлы өтті. Екінші өкілеттік 2017 жылы 28-маусымдағы өкілеттік бойынша Бекназаров Нұрлан Құдиярұлы 22 дауыспен жеңіске жетті. Енді біз осы хаттаманы рәсімдеп бітіріп, орталық сайлау комиссиясына жіберетін боламыз.
А. Төребекқызы
