Спорт Қазақстан
$449.58 €486.94 ₽4.86
×

Түркістан облысында 4 айлық баланың құлағы түсіп қалды

AstanaTV
05.08.2022ж. 20:00
1687
Түркістан облысында 4 айлық баланың құлағы түсіп қалды

Шымкентте 4 айлық баланың құлағы түбімен түсіп қалған. Анасының айтуынша,  сәуір айында туғанына небәрі  тоғыз күн болған нәрестенің жүрегіне   күрделі операция жасалған. 1,5 айдан соң жағдайы жақсарып келе жатқанда, кенеттен халі күрт нашарлапты. Оң құлағы  алғашқыда қарайып,   кейін түсіп қалыпты.  
 
Мадина ӘБДІРОВА, ТҮРКІСТАН ОБЛЫСЫНЫҢ ТҰРҒЫНЫ:

Мен жүрекпен түсіп тұрып, еще құлағын күйдіріп тұрып.  Құлағы мейлі ғой енді..құлағы түсті. Оған да көндім. Жарайды. Бірақ менің қазір қорқынышым уже басы да жұмсақ боп кеткен.
 
Төрт айлық Айша- Мәдинаның тоғызыншы перзенті. Жүрегінде күрделі ақауы бар деп оған бала іште жатқанда айтыпты. Бірақ, сонда да өмірге әкеліпті. Енді сәбидің басының бір жағы қарайып барады дейді.    

Мадина ӘБДІРОВА, ТҮРКІСТАН ОБЛЫСЫНЫҢ ТҰРҒЫНЫ:

Баламды одан бесбетер инвалид қып қойды ғой, инвалид қып қойды ғой. Бір жүрегі былай тұрсын, бұл қыз қазір бас, құлақ бәрімен қиналып жатыр. Оны мен оларға түсіндіре алмаймын. Бұлардың айтатыны-жүрек.  

 
Ал сәбиді сәуірден бері емдеп жатқан кардиолог дәрігерлер өздері тарапынан ешқандай қателік кетпегеніне сенімді. Айтуынша, кішкентай Айшаның туа бітті күрделі жүрек ақауынан бөлек– гидроцефалия, яғни басында артық су жиналуы болған.  
 
Алмат БАЙСАЛОВ, ОБЛЫСТЫҚ БАЛАЛАР АУРУХАНАСЫ БАС ДӘРІГЕРІНІҢ ОРЫНБАСАРЫ:

 
Бұл күю емес, бұл- ишемия. Бұл қанның ол жерде жүрмеуі. Весочный область пен құлақ аймағындағы қараюы жүйелі тамырларының ақауы болғандықтан спазмға және ішіндегі тромбоозрозаваниеге алып келіп, соңы ишемияға алып келді. Содан бұл қарайып отыр. Бірақ біз бұл жерге катетор қойылған жоқ. Және де бұл миға ешқандай дәрі енгізілген жоқ. Өйткені ми мен ол тамыр арасында сүйек бар. Бас сүйегі бар. Ол миға бару үшін біз сүйектен өткіміз керек. Сондықтан біз миға дәрі ешқандай енгізілген жоқ.

Мамандар Айша секілді жүрегінде күрделі ақауы бар бала көп болғанымен, бұл  ерекше жағдай дейді.  Әрі құлақтың күйреп кетуі де бұрын соңды кездеспеген.

А. Төребекқызы