Спорт Қазақстан
$448.15 €483.46 ₽4.86
×

Әзірбайжандықтар азаматтық позицияларын білдіруде

AstanaTV
26.09.2016ж. 20:00
2266
Әзірбайжандықтар азаматтық позицияларын білдіруде

Әзірбайжанда Конституцияға өзгерістер енгізуге байланысты референдум өтіп жатыр. Орталық сайлау комиссиясының келтірген соңғы деректеріне сай, осы сағатқа дейін  оған 1,6 миллион азамат қатысқан. Бұл жалпы халықтың 30,6%. Азаматтар ата заңның 23-ші бабына өзгерістер енгізу мен қосымша 6 бапты қосу жайында өз позицияларын білдіріп жатыр.

Қазір 5 мыңнан астам сайлау учаскісінде дауыс беру аяқталып, санақ басталмақ. Қандай да бір тәртіп бұзушылықтар тіркелмеген, деп хабрлайды ТАСС агенттігі. Орталық сайлау комиссиясы алғашқы мәліметтерді түнгі 12-ден кейін жария етпек. Референдумның өту барысын 117 халықаралық байқаушы қадағалап жатыр.

Айта өтейік, 18 шілде күні мемлекет басшысы Конституцияға өзгеріс енгізу жөнінде бұйрыққа қол қойған. Онда 1-ші вице-президент, вице-президенттер лауазымдарын енгізу, мемелекет басшысының өкілеттілігін 5 жылдан 7 жылға дейін өзгерту қарастырылған. Сондай-ақ, президентке Милли Меджилисті, яғни парламентті таратып, кезектен тыс президент сайлауын өткізуге құқық берілмек.

Ләйлә ҚАЗИАҚПАРОВА