Спорт Қазақстан
$441.44 €473.09 ₽4.75
×

Индонезияда жанартау атқылап, жүздеген адам эвакуацияланды

AstanaTV
18.04.2024ж. 14:46
248
Индонезияда жанартау атқылап, жүздеген адам эвакуацияланды

Индонезияда Руанг жанартауы атқылап, 800-ден астам адам эвакуацияланды. Ел билігі ең қауіпті дабылды қосты, деп хабарлайды Azattyq Ruhy Reuters-ке сілтеме жасап.

Елде кешегі күннен бастап жанартаудан ыстық лава төгіліп жатыр.

«Жанартау әлі атқылап жатыр, барынша қырағы болуымыз керек», - деді вулканология агенттігінің өкілі Херунингтяс Деси бейсенбіде.

Таудан құлаған тас пен күл үйлер мен аурухананы басып қалған. Air Asia Авиакомпаниясы тоғыз рейсті тоқтатты. Билік жанартаудың айналасындағы алты шақырым аумақты қоршап қойды.

Табиғи апаттың алдын алу агенттігінің өкілі Абдул Мухари қауіпті аймақтардан 1500-ге жуық адамды дереу эвакуациялау керек екенін айтады. Алдағы күні 12 мыңға жуық адам апаттан зардап шегуі мүмкін.

Шенеуніктер жанартаудың бөлшектері мұхитқа құлап түссе, цунами басталуы мүмкін деген болжамды да жоққа шығармайды.