Ауа райы -
Негізгі / Жаңалықтар / Бүгін «Fly Arystan» лоукостерінің билеттері сатылымға шықты

Бүгін «Fly Arystan» лоукостерінің билеттері сатылымға шықты

Енді Тараздан Алматыға 5000 теңгеге ұшуға болады. Бүгін «Fly Arystan» лоукостерінің билеттері сатылымға шықты.Бұл туралы компанияның ресми сайтында хабарланды. Рейстер мамыр айынан басталады. Әзірге билеттерді Тараз-Алматы, Орал-Алматы қалалары арасында екі бағытқа сатып алуға болады. Промо-тарифтік, яғни қайтарымсыз, саны шектеулі стандарттық билеттердің құны Алматыға Жамбылдан 4999, Оралдан 12 999 теңгені құрап тұр. Бұдан бұрын Азаматтық авиация комитеті «Флай-Арыстан» Алматы, Астана, Атырау, Көкшетау, Павлодар, Қарағанды-Қостанай, Тараз қалаларына ұшатынын хабарлаған. Әзірге лоукостер «Эйр-Астана»-дан төрт ұшақ алған. Ұшқыштар мен бортсеріктер де «Эйр-Астана»-ныкі. 2022-ші жылы әуе кемелері 15-ке жетеді. Сәйкесінше, рейстер саны да көбейеді деп жоспарланған. Ал билет бағасы қазіргіден екі есе арзан болатыны хабарланды. 

А. Сейфулла