Өзбекстанның
жаңа президентін ұлықтау рәсімі өтіп, Шавкат Мирзиеев қызметіне ресми кірісті.
Бүгін ол парламенттің бірлескен отырысында салтанатты түрде ант қабылдады.
Президент ел Конституциясының 92-бабына сәйкес, Өзбекстан халқына адал қызмет
етуге және Конституция ережелері мен заңдарын, азаматтардың құқықтары мен
бостандықтарын сақтауға кепілдік берді.
Енді жақын арада Үкімет мүшелері
жасақталмақ. Либералды-демократиялық партия атынан премьер-министр қызметіне
Абдулла Әріпов үміткер ретінде ұсынылды. Ол қазір Үкімет басшысының орынбасары
лауазымында. Енді оның кандидатурасын Сенат қарайтын болады.
Айта кетейік,
Өзбекстанда президент сайлауы 4 желтоқсанда өтті. 4 кандидаттың ішінен
Либералды-демократиялық партия атынан түскен Шавкат Мирзиеев сайлауда 88,61
пайыз дауыспен жеңіске жетті. Ол Өзбекстан билігіне келген екінші президент.
Айбек ҚОСАН
