Лисаков қаласының бас шыршасы қатты желге төтеп бере алмай, құлап қалды. Шырша ауа райы жақсарған соң қалпына келтіріледі, деп хабарлайды Kazinform.
- 23 желтоқсанда Қостанай облысының Лисаков қаласында екпіні 23м/с жеткен желдің салдарынан жаңа жылдық шырша құлап қалды. Қала әкімдігінің тұрғын үй-коммуналдық шаруашылық бөлімінің және «Уста+» ЖШС мердігерлік ұйымының өкілдері оқиға орнына дереу жетті. Қазіргі уақытта шырша бөлшектерін алаңнан алып кетті, - деді Лисаков қаласы әкімдігінің ішкі саясат бөлімінің басшысы Саят Жүсіпов.
Ол ауа райы жақсарған соң шырша қалпына келтірілетінін айтты.
