Газа Денсаулық сақтау министрлігі Газа секторынан Мысырмен Рафах бақылау-өткізу пункті арқылы медициналық эвакуациялауға рұқсат алған 19 адамның аты-жөнін жариялады, деп хабарлайды Zakon.kz.
19 пациенттен тұратын топ ішінде екі апталық нәресте бар. Сонымен қатар ауыр жарақат алған, ауру адамдар, соның ішінде қатерлі ісікпен ауыратындар да бар. Бұл туралы Al Jazeera жазды.
Желтоқсан айының соңында БҰҰ 7 қазаннан бері қоршаудағы Палестина аумағынан эвакуацияланған жараланған палестиналықтар мен басқа да науқастардың саны Израильдің Газаға қарсы соғысында жараланғандардың жалпы санының тек 1 пайызына ғана жететінін мәлімдеді.
