«Ақтөбе» клубынан маусымаралық үзілісте 10 футболшы кетіп үлгерді, деп хабарлайды Bassport.kz.
Атап айтсақ, қақпашылар – Мирослав Лобанцев («Елімай») пен Стас Покатилов («Тобыл»), қорғаушылар – Дмитрий Яшин («Елімай»), Лука Гадрани («Қайрат») және Ескендір Қыбырай, жартылай қорғаушылар – Милош Раичкович және Андерсон Ньянгбо, шабуылшылар – Элдер Сантана («Қайрат»), Рожерио дос Сантос Алвес («Елімай»), Роман Изотов.
Айта кетейік, желтоқсан айында «Ақтөбеге» 49 жастағы ресейлік Дмитрий Парфенов бас бапкер болып тағайындалған. Ол Андрей Карповичті ауыстырды.
