Жемқорлардан тәркіленген қаржыға тағы 20 жаңа мектеп салынады. Бұл туралы Оқу-ағарту министрлігінің баспасөз қызметі хабарлады. Білім беру инфрақұрылымын қолдау қоры есебінен 15 мыңға жуық оқушы білім ордасымен қамтылмақ. Сонымен қатар, Шымкент қаласында, Жетісу және Қызылорда облыстарында үш, Жамбыл облысында төрт, Астана қаласы мен Алматы облысында екі, Батыс Қазақстан, Павлодар, Солтүстік Қазақстан облыстарында бір мектептен салынады.
