Ақтөбелік әйел мемлекеттік жүйеде 2014 жылдан бері өлілер тізімінде тұрғанын айтты, деп хабарлайды EL.kz.
Екатерина Иванцова өзінің ерекше мәртебесі туралы 2020 жылы бір-ақ білген. 2020 жылы зейнетақы қоры үй телефонына қоңырау шалып, осы мекенжайда тұрды ма деп сұраған.
"Олар өткен шақта сұрағандықтан, әлі де осы мекенжайда тұратынымды айттым. Қор қызметкері абдырап қалды, ол маған шұғыл түрде Халыққа қызмет көрсету орталығына хабарласуым керек екенін, өйткені олардың базасында 2014 жылдан бері қайтыс болғандардың тізімінде тұрғанымды айтты",- дейді ол.
