Қазақстандық, әлемнің 165-ракеткасы Михаил Кукушкин Тенерифе (Испания) челленджер турниріне жолдама алды, - деп жазды KAZINFORM.
Іріктеу сайыстарының 1-ракеткасы болып тіркелген қазақстандық теннисші алдымен грузиялық Николоз Басилашвилиді 6:2, 6:2 есебімен жолдан тайдырды.
М.Кукушкин іріктеу сайыстарының финалында рейтингте 320-орындағы франциялық Лорен Локолимен кортқа шықты.
Бірінші партияда қазақстандық теннисші 4:1 есебімен алға кеткен сәтте Л.Локоли матчты жалғастырудан бас тартты.
Осылайша, М.Кукушкин негізгі турнирге өтті.
Тағы бір қазақстандық Тимофей Скатов іріктеу сайыстарының жартылай финалында италиялық Сальваторе Карузоға 4:6, 1:6 есебімен жол беріп, жарыстан шығып қалды.
