Нұрсұлтан
Назарбаев Ресей президенті Владимир Путинмен Сирия кездесуін талқылады. Ақорда
баспасөз қызметінің хабарлауынша, қос ел басшысы телефон арқылы Астанада өтуі
тиіс кездесудің дайындығын сөз етті.
Айта кетейік, Сириядағы ахуалды реттеу
келіссөзін Астана алаңында жүргізуді Ресей президенті ұсынған болатын.
Нұрсұлтан Назарбаев дайындық жасалатынын хабарлаған. Бұл кездесу 23-ші қаңтарға
жоспарланған еді. Алайда, Сыртқы істер министрлігінің дипломаттары келіссөздер
күні нақты емес деп отыр.
Айгүл ӘДЕПБАЙ
