Спорт Қазақстан
$442.05 €474.14 ₽4.74
×

Павлодар облысында пештегі жарықтың кесірінен жігіт көз жұмды

AstanaTV
12.03.2024ж. 15:44
446
Павлодар облысында пештегі жарықтың кесірінен жігіт көз жұмды

Ер адамның ата-анасы ауруханада жатыр, деп хабарлайды @Pavlodarnews.kz тілшісі.

Қайғылы оқиға 11 наурызда қала сыртында болған. Үй иелерінің әріптесі қызметкерлері жұмысқа шықпаған соң алаңдай бастаған. Сағат 10:05-те полиция қызметкерлеріне хабарлама түскен.

Облыстық төтенше жағдайлар департаментінің бастығы Жасұлан Жұмашевтің айтуынша, 27 жастағы ер адам қаза тапқан. Ата-анасы ауыр жағдайда ауруханаға жатқызылды.

– Пеште ақау пайда болған. Яғни қабырғасындағы жарықтан көміртегі тотығы таралған, – деді Жасұлан Жұмашев Өңірлік коммуникациялар қызметінде өткен баспасөз конференциясында. - Өртке ұқсас түтін болған жоқ.

Айта кетейік, жылыту маусымы басталғаннан бері аймақтың үш тұрғыны өрт шықпай-ақ көміртегі тотығымен уланып көз жұмған. Төтенше жағдай 2023 жылдың қазан, ақпан және наурыз айларында болды.