Кішкентай балаларға аса қатты бақылау керек. Бірақ бұл бала ерекше бақылауды қажет етеді. Бір күні Уэльстегі үш жасар Винтер фото жақтауды сындырып, әйнек сынықтарын жемек болып ұсталды. Ерекше қыз туралы Bugin.kz тілшісі doctorpiter.ru сайтына сілтеме жасап хабарлайды.
Ерекше баланың анасы, 25 жастағы Стейси А'Херн:
«Ол шыныны жеуге тырысып, сегізге жуық сурет жақтауын сындырды. Ол қандай да бір зардап шекпеді. Өйткені мен оны мұқият бақылап отырамын. Бірақ Винтерді бақылау - толық жұмыс уақыты секілді, жауапкершілікті талап етеді», - деп мойындайды.
Қыздың адамдар жеуге болмайтын нәрселерді жеуіне себеп те жоқ емес. Ол пика немесе пикемия деп аталатын сирек тамақтану бұзылыстарымен ауырады. Әдетте, ата-аналар мұндай патология туралы бірден білмейді. Өйткені, кішкентай балалар жиі ауыздарына заттарды салады. Сондықтан Винтердің анасы бұл оғаштыққа аса мән бермеген.
Сонымен қатар, 13 айға дейін даму нормаларына сәйкес келетін болған. Ол уақытында сөйлеп, жүре бастаған. Содан кейін ол кенеттен өзгеріп, үндемейтін болып алады. Анықталғандай, Винтер аутизмнің ауыр түрімен ауырады, онда балалар өте аз сөйлейді және мінез-құлқы бұзылады.
Уақыт өткен сайын Винтердің жеуге болмайтын нәрселерге деген құмарлығы да күшейе түседі. Ата-аналар мұның түсіндірмесін тапты: аутизммен ауыратын балалар пикамен ауырады.
"Мүмкін, бұл сенсорлық, әртүрлі текстураларға байланысты. Аутизммен ауыратын балалар қол тигізетін сенсорлық заттарды жақсы көреді", - дейді Стейси Daily Mail-ге.
Сондықтан сенсорлық ойындар ана үшін қызының тамақтануының бұзылуын қандай да бір жолмен тежейтін жалғыз құтқарушы болып тұр.
Қыздың анасы:
"Ол бүкіл үйді жейді", - дейді Стейси. "Мен жаңа диван сатып алдым, ол оны бөлшектеп тастады». Винтер қалыпты тағамға өте талғампаз ",-деп айтты.
Сылақ пен тұсқағаздар, жұмсақ ойыншықтар мен шам балауыз - қыз бәрін жейді.
