Өнеркәсіп және құрылыс министрі Қанат Шарлапаев утильалым ақысы төмендемейтінін айтты, деп хабарлайды Azattyq Ruhy.
«Утильалымның бағасына ешқандай өзгеріс енгізбейміз. Менің министр ретіндегі міндетім – өнеркәсіп орындарын дамыту мен оның қуаттылығын арттыру. Осы мақсатта елімізде екі үлкен автокөлік зауыты салынып жатыр. Утильалым бағасын төмендеткен жағдайда, автокөлік зауыттары салынбай, жұмыс орындары ашылмай қалуы мүмкін», - деді министр.
Оның сөзінше, бізде көлік бағасы басқа елдермен салыстырғанда сәл жоғары немесе тең.
«Менің ойымша бізге де протекционизм болуы керек», - деді ол.
