Құлсары қаласындағы жағдай туралы Атырау облысы ТЖД өкілдері айтып берді
Құлсары қаласынан бүгінгі күні үш бағытта: Атырау қаласына, «ТШО» ЖШС, Маңғыстау облысындағы «Теңіз» вахталық қалашығына теміржол, автомобиль көлігі, автобустарды тарта отырып, эвакуация жүргізілді.
«Бүгінгі таңда барлығы 26 109 адам эвакуацияланды, оның ішінде 5 834 бала бар. Құлсары қаласында 14 уақытша орналастыру пункті ашылды, онда дәрігерлер, психологтар барлық қажетті көмекті көрсетеді», - деді ОКҚ брифингінде Атырау облысы ТЖД бастығының м.а. Руслан Шариев.
Оның айтуынша, қазіргі уақытта қалада судың төмендеуі байқалады.
