Премьер-министрдің орынбасары Серік Жұманғарин Ақтөбе облысы Қобда ауылындағы әлеуметтік мекемелерді аралап, ондағы тұрғындармен кездесті. Елдімекенде 25 үй толығымен қираған, 12-і баспана апатты жағдайда. Сондай-ақ, 279 үй мен 10 әкімшілік мекеме су астында қалды. Тасқын судан зардап шеккендер эвакуациялық пунктілерге орналастырылған.
Серік ЖҰМАНҒАРИН, ҚР ПРЕМЬЕР-МИНИСТРДІҢ ОРЫНБАСАРЫ:
Қазір күн жылы емес. Ауырып қалуыңыз мүмкін. Құрылысты барынша тезірек жүргіземіз. Ол жағынан мәселе жоқ. Сіз жаңа үй алатын жандардың тізіміне кіресіз. Жер участкелері бөлінді. Ескі үйіңізден тек керек-жарақтарыңызды ғана аласыз. Ол үй бұзылады.
