Қазақстан бойынша жел күшейеді, оңтүстікте және оңтүстік-батыста дауыл соғады деп күтілуде.
Қазгидромет 27-29 сәуірге арналған ауа райы болжамын жариялады, деп хабарлайды inbusiness.kz сайты.
Синоптиктердің болжамынша, 27 сәуірде жоғары атмосфералық қысым өрісінің ықпалымен еліміздің басым бөлігінде күн жауын-шашынсыз болады. Атмосфералық фронталды бөліктердің әсерінен 28 сәуірде оңтүстікте жаңбыр жауады, найзағай ойнайды, 29 сәуірде солтүстік-батыста және солтүстікте қатты жаңбыр жауады, бұршақ жаууы мүмкін, 29 сәуірде түнде республиканың оңтүстік-шығысындағы таулы аймақтарда жаңбыр аралас қар жауады.
Қазақстан бойынша жел күшейеді, оңтүстікте және оңтүстік-батыста дауыл соғады деп күтілуде.
Жалпы температуралық фонға келетін болсақ, күндізгі температура біртіндеп көтеріледі, алайда 27-28 сәуірде түнде еліміздің солтүстік жартысында термометр бағаны 1-8 градус аязға дейін жетеді.
