Биыл -халық қаһарманы, бірінші Қорғаныс министрі, армия генералы Сағадат Нұрмағамбетовтың туғанына 100 жыл. Осыған орай «Жас сарбаз – патриоттар ордасы» атты әскери-далалық жиын ұйымдастырылды. Шара үш күнге созылады. Жиында мектеп оқушылары мен колледж студенттері түрлі физикалық және логикалық жаттығулар бойынша сынға түсіп, жеңімпаз команда «Айбын» халықаралық әскери жиынында ел намысын қорғайды.
Келешегін әскери өмірмен байланыстырғысы келетін өрендер үшін бұл жиынның маңызы зор. Ұландатқан ұрандар ертемен сап түзеп алаңға жиналды. Олар алдағы үш күнде өзара үздіктерді анықтап, сынға түседі.
Әскери-спорттық және әскери-қолданбалы спорт түрлерінің жарыстарына дене шынықтыру жаттығулары, әскерилендірілген эстафета, АК-74-ті толық емес бөлшектеу және құрастыру, пневматикалық мылтықтан ату, газтұмылдырық пен жалпы әскери қорғаныс жиынтығын кию нормативтерін орындау кіреді. Осы арқылы қатысушылар әскери өмірдің қыр-сырымен жақынырақ танысады.
Самат ИБРАЕВ, ҚАЛАЛЫҚ ЖАСТАР САЯСАТЫ МӘСЕЛЕЛЕРІ БАСҚАРМАСЫНЫҢ БАСШЫСЫ:
Әскери-далалық физикалық сайыстар арқылы қатысушыларды жыл сайын өтетін Айбын әскери-сарбаздар жиынына әзірлеп жатырмыз. Осындай түрлі іскери іс-шаралар арқасында жас ұрпақтың әскери өмірге деген қызығушылығын ояту -басты мақсатымыз.
Қатысушылар барлық тапсырмаларды тәлімгерлердің жіті қадағалауымен орындайды. Сондай-ақ олар алғашқы медициналық көмек көрсету бойынша шеберліктерін шыңдайды. Командалар арнайы сыйлықтармен марапатталады
Айдархан МАХАМБЕТ, ҚАЛАЛЫҚ «ЖАС САРБАЗ» ӘСКЕРИ-ПАТРИОТТЫҚ ҚОЗҒАЛЫСЫ ТӨРАҒАСЫНЫҢ ОРЫНБАСАРЫ:
Дала жиынында ауыспалы кубок бар. Сол кубоктың иегері атанады, жеңімпаз команда. Сонымен қатар әр қатысушы жаңағы медальмен, алғыс хаттармен, сыйлықтармен жас сарбаз қозғалысының эпикировкамен марапатталады.
«Жас сарбаз - патриоттар ордасы » Қазақстан әскерінің имиджін арттыруға , әскери-қолданбалы және техникалық спорт түрлерін танымал етуге, әскери қызмет өткеру кезінде қажетті дағдыларды қазірден қалыптастыруға ықпал етеді,-дейді мамандар.
