Астанадағы бір пәтерде 937 адам тіркелген. Бірақ онда бір ғана отбасы тұрады. Алматы облысында да осындай 13 мың факті анықталды. "Резеңке пәтерлер" мәселесі қашан реттеледі? Бұл заңсыздыққа тоқтау бола ма? Тілшіміз айтады.
Көріп тұрғандарыңыздай тіркеуге тұру өте оңай. Астана қаласында бір мекенжайда тым көп тұрғын тіркелген 924 баспана тексерілді. Оларда 35 мыңдай адам тіркеуде тұрғаны әшкере болды. Яғни, бір ғана пәтердің өзінде 800-ден астам адам, екіншісінде – 600-ден астам азамат, үшіншісінде – 400-ден астам адам тұрақты тіркеліп, тұрып жатқан болып шықты.
Нұрсұлтан ҚҰДАБАЕВ, ҚАЛАЛЫҚ ПРОКУРАТУРА БАСҚАРМАСЫ БАСТЫҒЫНЫҢ ОРЫНБАСАРЫ:
Жақында 35 шаршы метр үйге 930 дан астам мигранттарды тіркеу бойынша қылмыстық іс қозғалды. Жалғызбасты ана мигранттарды тіркеу арқылы олардан ақша алған. Осындай әркетке барғаны үшін қылмыстық жауапкершілікке тартылады
Көші-қон қызметінің қызметкерлері 40-қа жуық хаттама жасап, оның ішінде 6 тәртіп бұзушыны қайтадан жауапкершілікке тартқан.Тұрғын үй иелерінің өтініші бойынша осы мекенжайларда тұрмайтын, бірақ тіркелген Қазақстан Республикасының азаматтары есептен шығарылды.
Аян АБДЫНАСЫРОВ, ҚАЛАЛЫҚ ПРОКУРАТУРАНЫҢ БАСҚАРМА ПРОКУРОРЫ:
5 айдың қорытындысы бойынша 1426 адам әкімшілік жауапкершілікке тартылды. 3 жылдан 7 жылға дейін бас бостандығынан айыру көзделген.
Айта кетейік, заңнамада бір мекенжай бойынша тіркелген азаматтардың санына шектеулер қарастырылмаған. Дегенмен, тіркелген азаматтар тіркелген жерінде нақты тұруға міндетті.
