Қымызды Ресейден сатып алып отырмыз. Былтыр импортталған ағарғанның дені көрші елден келген. Сондай-ақ, Белоруссия мен Қырғызстаннан да жеткізіліпті. Өзгенің өнімі тәтті ме? тілшіміз тарқатады.
Бақытгүл Зубай 15 жылдан бері бие сауып, сүтін үлгертіп келеді. Оның айтуынша, қымыздың өз бабы болуы керек.
Бақытгүл ЗУБАЙ, АУЫЛ ТҰРҒЫНЫ:
Енді бұл жаңа күнделікті свежий деп айтамыз ғой! балғын, ол дүкен сөресіндегі қымыз тұрып қалады ғой.Оны сақтау үшін бірдеңе қосатын шығар.
Елімізде қымызға сұраныс жоғары. Оның құндылығы әсіресе, пандемия кезінде арта түсті. Құрамындағы дәрумендер мен ақуыздар қауіпті дертке ем болды.Бие сүтінің құнарын ешқандай дәрі алмастыра алмайды әлемде.Өзіндік түрге бөлінетін ұлттық сусын айрықша атауға ие. Бал қымыз, құнан қымыз, дөнен қымыз деп жіліктеп жатамыз. Дайындау тәсіліне, уақытына қарай аталады.
Мәрден МҰНҚАЙ, АУЫЛ ТҰРҒЫНЫ:
300 ауыл үй бар. 80 проценті малмен айналысады.Бізде енді көбі қымызбен айналасады.Ауыл болғандықтан мал ұстағандықтан сонымен кәсіп етеді.Сонымен тірлік жасайды.Қолдан жасалған табиғи өнімдер адам денсаулығына ең жақсы ғой!
Қымыз өндірісі былтыр 2 мыңнан тоннадан асқан. Былтыр Ресейге 2760 тонна қымыз экспортталды. Бірақ, импорт онан 2 есе көп.
Саясат ҚАЗМИН, ҚР АШМ СЫРТҚЫ САУДА БАСҚАРМАСЫНЫҢ БАСШЫСЫ:
2023 жылдың қорытындысы бойынша елімізге 4,3 тонна қымыз қышқыл сүт өнімдері кірген.Соның ішінде басым көпшілігі Ресей мемлекетінен және Қырғызстан республикасынан Біздің қымыздың экспортына келетін болсақ 23 жылдың қорытындысы бойынша 2,7 мың тонна қымыз экспортталды.
Бие сүтінің пайдасын шетелдіктер де біледі. Әсіресе, Германия, Бельгия, Нидерланд және Франциядағы сүт зауыттарында көбіне емдік және косметикалық мақсатта өндіріледі. Сабын, жақпа май және шаш жууға арналған өнімдер де шығарылады. Бірақ, қымыз дайындаудың әдісін қазақтан артық ешкім білмейді. Сондықтан алдағы уақытта ұлттық сусынымызды өзгеден алмай, қайта өзіміз әлем нарығын жауласақ деген ой бар.
