Қостанайда «Таза Қазақстан» экологиялық акциясы ауқымды түрде жүріп жатыр. Жалпыұлттық науқанға бұл жолы кәсіподақ өкілдері мен бастауыш партия ұйымдары айрықша атсалысты.
Тобыл жағасында ұйымдастырылған «Таза бейсенбі» экологиялық іс-шараға жүзден астам адам жұмылдырылды. «AMANAT» партиясы облыстық филиалы қызметкерлері,бастауыш партия ұйымының белсенділері, кәсіподақ өкілдері жағажай аумағын қоқыстан тазартып, абаттандыру жұмыстарын жүргізді. 10 тонна қоқыс шығарылды.Ауқымды акция келесі апта да жалғасын табады.
Балбөпе ЕРТАЕВА, КӘСІПОДАҚ АРДАГЕРІ:
Президентіміз Қасым-Жомарт Тоқаевтың «Таза -Қазақстан» таза көңілменен, осындай тазалық болсын деген бастамасын қолдап бәріміз осылай шығатын болып жүрміз.Егерде еліміз таза болса, жеріміз таза болса адамның көңілі де таза болады.Адамның негізгі байлығы көңілінің тазалығы.Бір-біріне деген таза көңілмен, жақсылықпен қарау.
Семейде «Таза Қазақстан» республикалық акциясы аясында қала белсенділері, «Амаnат» партиясының мүшелері, жастар мен жұртшылық Ертіс жағалауындағы сүйікті демалыс орындарын тазартты. Мұндай акция игі дәстүрге айналса, тұрғындардың басын біріктіріп, өз қаласын таза, көрікті етуге ұмтылуы керек дейді шараға қатысушылар. Жастар үшін бұл табиғатты аялау мен құрметтеудің үлгісі.
Мерей ҚАРТ, ОБЛЫСТЫҚ МӘСЛИХАТ ДЕПУТАТЫ, «АМАNАТ» ПАРТИЯСЫНЫҢ МҮШЕСІ:
Президенттің тапсырмасына сәйкес,біршама жасалып келе жатқан үлкен шаруалардың бірі.Ендігі менің айтайын дегенім ол тек қана адам ол жағалаудағы немесе қаладағы қоқыстарды тазалай бергенше ең бірінші адам санасындағы қоқысты тазалау керек. Сол кезде қала шашылмайды.Саналы түрде адам қолдағы керексіз затты шашпайды,тастамайды деген сияқты дүниелер болады.Сондықтан рухын тазартса,санасын тазартса, ішкі жан дүниесін тазартса қала тазарады.Маңай тазарады,адам тазарады,қоғам тазарады.
