Математиктер футболдағы пенальти сериясының әділетсіздігінің дәрежесін есептеді. Бұл туралы Azattyq Rýhy агенттігі Bild басылымына сілтеме жасап хабарлайды.
Германиядағы Еуро-2024 турнирінің плей-офф ойындары өтіп жатыр. Негізгі және қосымша уақытта жеңімпаз анықталмаса, командалар пенальти сериясын қолданады.
Штутгарт университетінің математикалық статистика департаментінің төрағасы, профессор Кристиан Гессе футболдағы пенальти сериясының әділетсіздігін анықтады.
«1000-нан астам пенальти сериясына британиялық зерттеу жүргізілді. Нәтижесі бойынша, пенальтиді бірінші тепкен команда 60% жағдайда жеңеді, ал екінші соққан команда – 40%. Монетаны жай ғана аудару жеңіске жету мүмкіндігінде мұндай деңгейде әсер ететін басқа спорт түрі жоқ. Тіпті шахматта гроссмейстер деңгейінде ақ түстің қарадан артықшылығы небәрі 6 пайызды құрайды. Қосымша психологиялық қысым екінші команданың тебу мүмкіндігін орта есеппен 4%-ға төмендетеді», - деді профессор.
Оның айтуынша, кәсіпқой футболшы уақыттың 75 пайызында пенальти соғады. Бірақ екінші тепкен команда ойыншылары стреске байланысты пенальтиде нашар ойнайды.
Әділетсіздікті жою үшін Гессе мынадай ұсыныс білдірді: бірінші команда пенальтиді орындағаннан кейін екінші команда екі рет қатарынан орындауы керек. Содан кейін бірінші команда екі рет және т.б. Бұл теннистегі тайбрейкерге ұқсайды және математикалық түрде тең мүмкіндіктер жасайды, дейді ол.
