Грек-рим күресінің шебері, грузиялық танымал балуан Нугзари Цурцумия өлі табылды.
Жергілікті БАҚ өкілдерінің мәліметінше, оның денесі 3 шілде күні Хоби қаласындағы үйінен анықталған. Ақпаратты Грузияның ұлттық күрес федерациясы растады.
Қаралы хабар жетті. Бүгін Нугзар Цурцумияның қайтыс болғанын білдік. Оның жарқын бейнесі мәңгі жүрегімізде, - делінген мәліметте.
Sportball24.com сайтының мәліметінше, грузиялық балуан суицид жасаған. Соңғы жарты жылда ол әкесінен, бауырынан және анасынан айырылған,- деп хабарлайды El.kz ақпарат агенттігі.
