«Самұрық-Қазына»
ұлттық әл-ауқат қорына қарасты 217 компания сатылымға шығарылады. Активтерді
жекешелендіру 2020 жылға дейін жалғаспақ. Бұл туралы «Самұрық-Қазына» қорының
департамент директоры Дәурен Тасмағамбетов мәлімдеді.
Оның
айтуынша, басты мақсат - «экономикалық ынтымақтастық және даму ұйымы» елдерінің
стандарттарына сәйкес қордың экономикадағы үлесін 1,5 пайызға қысқарту. 2016
жылы қор екінші тізбедегі активтердің 75 пайызымен жұмыс істеп, мемлекеттік
комиссияның келісімі бойынша оларды сатуға кірісті. Ірі активтерді сату 2018
жылдың соңына дейін аяқталады деп жоспарланып отыр. Қор инвесторлар тарту үшін
Нью-Йорк, Лондон мен Гонконгте кездесулер ұйымдастыратын болады.
Дәурен
Тасмағамбетов, «Самұрық-Қазына» АҚ активтерді жекешелендіру департаментінің
директоры:
«Қор активтерін жекешелендіру бағдарламасы
белсенді жүргізіліп жатыр. Оның аясында 217 актив екі кезеңге бөлініп сатылады.
Бірінші тізбеде 45 ірі компания бар.
«Қазатомөнеркәсіп», «Эйр Астана» IPO-ға шығарылатын компаниялар
тізімінде. Акцияларды орналастыру туралы шешім көптеген факторға байланысты.
Макроэкономикалық аxуал, құнды қағаздар нарығындағы жағдай мен компаниялардың
дайындығы ескеріледі.
