Қарағанды,
Жамбыл және Оңтүстік Қазақстан облыстарында пара алды деген күдікпен лауазымды
тұлғалар құрықталды. Сыбайлас жемқорлыққа қарсы іс-қимыл ұлттық бюросының
мәліметіне сәйкес, ұсталғандардың ішінде Леңгір қаласының әкімі Байымбетов пен
жер қатынастары бөлімі меңгерушісі бар. Сондай-ақ 300 мың теңге көлемінде
бірнеше рет пара алғаны үшін Қарағанды облысы дәрігерлік-әлеуметтік сарапшылық
бөлімінің жетекшісі Оспанов та қамауға алынды. Жерге қатысты құжаттарға қол қою
үшін қалтасын 300 мың теңгеге толтырған Қордай аудандық жер қатынастары
бөлімінің жетекшісі де заң алдында жауап береді.
