Астанада жылу электр орталықтары 70 пайызға дайын. Қалалық мәслихат депутаттары мен "Amanat" партиясының елордалық филиалының белсенділері нысандарды аралап, рейдке шықты. Бас қалада тұрғындар саны күрт өсіп келеді. Жылына кем дегенде 50 мың адам қосылады. Оған жаңадан ашылып жатқан әлеуметтік және бизнес нысандарын қосыңыз. Соған қарамастан мамандар тұрғындарды қақаған қыста бүрсеңқақтырмаймыз деп отыр.
Рақымжан АЛТЫНБЕК, ҚАЛАЛЫҚ ЭНЕРГЕТИКА БАСҚАРМАСЫ ГАЗДАНДЫРУ БӨЛІМІНІҢ БАСШЫСЫ:
Бүгінгі күні жылыту маусымына дайындық жұмыстары белгіленген кесте бойынша жүруде. Ешқандай кедергі жоқ. Бүгінгі таңда жылу беру көздері екі станцияда жүруде.
Қанат ЕСТЕК, ҚАЛАЛЫҚ МӘСЛИХАТ ДЕПУТАТЫ:
Бүгін әріптестерімізбен бірге үшінші жылу энергия орталығына келіп отырмыз. Бұл бізде мониторинг. Бұл негізі 2010 жылы жобаланған болатын. Бұл халыққа өте ауыр тиді. Блтыр 2023 жылы алғаш жылуын қалаға берді. Қазіргі жылу берумен халық жылуды артығымен қолданып отыр.
.
