«Астана-Алматы» рейсінің шұғыл
қонуына байланысты қызметтік тексеру жұмыстары жүріп жатыр. Бұл туралы «Эйр
Астана» компаниясының қоғаммен байланыс жөніндегі менеджері Тілек Әбдірахманов
хабарлады. Бүгін "Астана -Алматы" бағытындағы Боинг 757-700 ұшағының
қозғалтқышы істен шығып, әуе кемесі шұғыл қонды деген болатын. Ал, «Эйр Астана» компаниясының өкілі ұшқыш
ұшақтың бір двигателін техникалық себептерге байланысты сөндірді,- дейді.
Сондықтан әуе кемесі штаттық режимде әуежайға қонған. Бортта 69 жолаушы мен 8
экипаж мүшесі болған. Барлығы дін аман.
Тілек Әбдірахманов, «Эйр
Астана» компаниясының қоғаммен байланыс жөніндегі менеджері:
Экипаж сол жақтағы двигатель
қозғалтқышын техникалық себеп бойынша өшіргеннен кейін аман-есен штаттық режимде
қонған. Біздің экипаж қауіпсіздіктің барлық ережелерін қолданған. Қазіргі сәтте
тергеу жүргізіліп жатыр.
