Қарағанды облысының Балқаш қаласындағы “Досжан” пансионатында 29 адам астан ұшынды. Демалушылар көл жағасындағы демалыс орнында жіті ішек инфекциясын жұқтыруы мүмкін деген күдік бар. Оқиғаны облыстық санитариялық-эпидемиологиялық бақылау департаменті растады. Науқастардың 18-і стационарлық ем алып жатыр, қалғандары бақылауда. Мамандар оқиға орнынан сынамалар алып зертханалық зерттеуге жіберген. Полиция тергеуге кірісті.
Серікбол ТҮСІПБЕКОВ, БАЛҚАШ ҚАЛАЛЫҚ КӨПСАЛАЛЫ АУРУХАНАСЫНЫҢ ДИРЕКТОРЫ:
“Балқаш қалалық көпсалалы ауруханасының инфекциялық бөліміне 14 адам жеткізілді. Оның 9-ы бала. 5-еуі ересек. Олардың жағдайы орташа, интоксикация және ішек синдромына байланысты пациенттерге қажетті ем мен сараптамалар тағайындалды”.
