Алматы әкімі Ерболат Досаев Францияда өткен жазғы олимпиадада ел қоржынын жүлдемен толтырған спортшыларды марапаттады. Қала басшысы ел намысы үшін жан беріскен қайсарларға мегаполистің қақ төрінен баспана, қымбат маркалы көлік пен 4-5 миллион теңгелік сыйақы тарту еттті.
Ерболат ДОСАЕВ, ҚАЛА ӘКІМІ:
Қадірлі Алматының спортсмендері мен тренерлері, осы 2024 жылы жазғы олимпиада ойындарында Алматы қаласының Қазақстан құрама командасына 7 спорт түрі, пән бойынша 11 спортшы өнер көрсетті. Бүгінде барлықтарыңызбен кездесіп, алғысымды білдіргім келеді. Алдағы уақытта да сіздерге жаңа жеңістер мен өз күштеріңізге деген сенім тілеймін.
Елге мойнына күміс медалін асынып қайтқан Нариман Құрбанов бұл жолы екі бөлмелі пәтер мен су жаңа көліктің кілтін қолына алды. Қола жүлдегерлері де құр алақан қалған жоқ. Ғұсман Қырғызбаев, Назым Қызайбай, Александра Ле мен Ислам Сәтпаев та бір бөлмелі шаңырақтың иесі атанып, құнды темір тұлпарлар тізгіндеді.
Назым ҚЫЗАЙБАЙ, ПАРИЖ ОЛИМПИАДАСЫНЫҢ ҚОЛА ЖҮЛДЕГЕРІ:
Алматы қаласының әкімі Ерболат Асқарбекұлы барлық спортшылар жиналып, тек қана жүлде алған спортсмен емес, барлық олимпиадаға қатысқан спортшыларды жинап, өзінің құттықтауын білдіріп рақметін айтып, енді біз өте қуаныштымыз. Өздеріңіз көріп отқандай мына автокөлікті сыйлады және Алматы қаласынан бір бөлмлі пәтер сыйлады. Осындай іс-шаралар жас спортшыларға да үлкен мотивация береді деп ойлаймын.
Одан бөлек, қала әкімі олимпиадада медаль еншілеген спортшылардың бабын шаптырған бапкерлерді де елеусіз қалдырмай, оларға да ақшалай сертификаттар табыстады. Ел қошеметіне бөленген чемпиондар алдағы әлемдік сайыстарда бұдан да ұлы шыңдарды бағындарымыз деп уәде етті.
