Атырауда «AMANAT» партиясы өкілдері «Мектепке жол» қайырымдылық акциясына атсалысты. «Бақытты отбасы» жобасы аясында жыл сайынғы дәстүрлі шараны бастауыш партия ұйымдары мен депутаттар жалғастырды. Жаңа оқу жылы қарсаңында сыйлықтарын алуға ата-аналармен бірге балалардың өздері де келді. Оларға қалаған киім-кешек, құрал-жабдықтарын алу үшін 20 мен 100 мың теңге аралығында сертификат табысталды.
Бану ЖАҢБЫРОВ, КӨПБАЛАЛЫ АНА:
7 баланың анасымын. Көп балалы. Мектепте бес балам оқиды. Бір баламды киіндіріп үлгердім. Енді 3 балам бар киіндіретін. Осы сертификат арқылы киіндіремін. 5 сертификат берді бізге.
Абдолла ИДРЕСОВ, «AMANAT» ПАРТИЯСЫ АТЫРАУ ОБЛЫСТЫҚ ФИЛИАЛЫНЫҢ ТӨРАҒАСЫ:
Облыстық партия жалпы 300-ге жақын баланы қамтимыз деп отырмыз. Бүгін қазір 150 балаға беріп жатырмыз. Соған атсалысып жатқан өзіміздің бастауыш партия ұйымдары, депутаттық корпустарымыз және қаладағы кәсіпкерлер атсалысып жатыр. Балаларымызды жаңа оқу жылымен құттықтаймыз. Сәттілік тілейміз.
