Елордада XV-ші Қысқы қайырымдылық балының кастингі өтті. Әдемі кештің дебютанты атану үшін 400-ден астам адам бақ сынады. Іріктеудің екі кезеңінен: хореографиялық байқаудан және ұйымдастырушылармен әңгімелесуден сәтті өткен 40 үміткер әсем шараның бетке ұстары болмақ . Үш ай бойы олар әр түрлі кәсіби бал билерін үйренеді. Ал, әсем кеш қонақтары классикалық вальстен жалынды латиноға шейін дебютанттар биі, салтанатты кешкі ас, бағалы лоттар аукционы, сондай-ақ іс-шараның серіктестерінен жүлделі ұтыс ойыны бар ғажайып атмосфераға бөленеді. Жиналған қаражат «Болашақ» қорының ерекше қажеттіліктері бар балалар мен дарынды жастарға арналған «Әр бала мектепке баруға лайықты» және «Жол жүру гранттары» қайырымдылық бағдарламаларына бағытталды.
АЗАМАТ БОЖАҚ, «БОЛАШАҚ» КОРПОРАТИВТІК ҚОРЫНЫҢ ДИРЕКТОРЫ:
Қысқы қайырымдылық бал – бұл жай ғана мәдени шара емес, бұл біздің қайырымдылық жобаларымызды жүзеге асыруға көптеген қамқор адамдардың, меценаттардың және компаниялардың қосар үлесі. Балдарды өткізіп келе жатқан 12 жыл ішінде 164-тен астам демеуші мен серіктес тартылып, 900 миллион теңгеден астам қаржы жиналды. Бізге қолдау ретінде бүгін кастинге түрлі сала мамандары қатысуда. Бүгінгі таңда бал арқылы өз жұптарын кездестірген 6 отбасы бар.
ГҮЛБАНУ ОРЫНБАСАР, КАСТИНГКЕ ҚАТЫСУШЫ:
Аздап қобалжу бар. Алдыңғы жылы дәл осы балға мен қонақ реьінде келгенмін. Осы жылы енді дебютант болсам деген ниет бар. Бал арқылы ойлаймын мен мүмкін өз адамымды кездестіремін деп. Золушка сияқты билегім келеді осы балда.
