SCAT әуе компаниясы ұшақтардың біріне жай түскендіктен, осы аптаға жоспарланған рейстердің кестесіне өзгеріс енгізілгенін мәлімдеді, деп хабарлайды Azattyq Rýhy.
Оқиға демалыс күндері болған. Әуе компаниясына тиесілі ұшаққа найзағай түсіп, оған зақым келген.
«Қазіргі таңда ұшақ кестеден шығарылды. Компанияның инженерлік қызметі қажетті инспекция және жөндеу жұмыстарын жүргізіп жатыр. Ол бірнеше күнге созылады. Осыған байланысты әуе компаниясы осы аптада 14 рейстің кестесіне өзгеріс енгізуге мәжбүр», - деді SCAT баспасөз қызметі.
Компания жолаушылардан sms-хабарламаларды, scat.kz сайтынан не қосымшадан рейстің статусын қарап отыруды сұрады.
Әуе компаниясы ұшаққа қай кезде жай түскенін нақтыламады.
